அனைத்து கட்சி எம்எல்ஏக்கள் கொண்ட சட்டமன்ற ஆலோசனை குழு அமைப்பு

அனைத்து கட்சி எம்எல்ஏக்கள் கொண்ட சட்டமன்ற ஆலோசனை குழு அமைப்பு

கொரோனா பரவலை கட்டுப்படுத்த ஆலோசனைகள் வழங்க முதல்வர் மு.க.ஸ்டாலின் தலைமையில் சட்டமன்ற உறுப்பினர்கள் குழு அமைக்கப்பட்டுள்ளது. சட்டமன்றத்தில் இடம்பெற்றுள்ள 13 கட்சிகளுக்கும் குழுவில் இடம் அளிக்கப்பட்டுள்ளது. அனைத்துக்கட்சி கூட்டத்தில் எடுக்கப்பட்ட முடிவின் அடிப்படையில், சட்டமன்ற கட்சிகளின் பிரதிநிதிகள் அடங்கிய ஆலோசனைக் குழுவை அமைத்து தமிழக அரசு உத்தரவிட்டுள்ளது.

இந்த குழுவில் திமுகவில் இருந்து டாக்டர் எழிலன், அதிமுகவில் விஜய பாஸ்கர், காங்கிரஸில் இருந்து முனிரத்தினம், பாமகவில் இருந்து ஜி.கே.மணி, பாஜகவில் இருந்து நயினார் நாகேந்திரன், மதிமுகவில் இருந்து டாக்டர் சதன் திருமலைக்குமார், விசிகவில் இருந்து எஸ்.எஸ்.பாலாஜி, மார்க்சிஸ்ட் கம்யூனிஸ்ட் கட்சியில் இருந்து நாகை மாலி, இந்திய கம்யூனிஸ்ட் கட்சியில் இருந்து ராமசந்திரன், மமக-வில் இருந்து ஜவாஹிருல்லா கொங்கு நாடு மக்கள் தேசிய கட்சியில் இருந்து ஈஸ்வரன், தமிழக வாழ்வுரிமைக் கட்சியில் இருந்து வேல்முருகன், புரட்சி பாரதம் கட்சியில் இருந்து ஜெகன் மூர்த்தி ஆகியோர் இடம்பெற்றுள்ளனர்.


செய்திகளை உடனுக்குடன் பெற: 👉 இங்கே கிளிக் செய்து 👈 கூகுள் செய்திகள் (Google News) பக்கத்தில் 👉 மியா தமிழ் 👈 ஃபாலோ செய்யுங்கள்